وەزارەتی دارایی و ئابووریی هەرێمی کوردستان کرێی مامۆستایانی وانەبێژی لە زانکۆ و پەیمانگەکان ئاشکراکرد و دەڵێت، پرۆفیسۆر حهوت هەزار و 500 دینار و پرۆفیسۆری یاریدەدەر شهش هەزار و 500 دیناری بۆ خەرجدەکرێت.
بەپێی نووسراوێکی وەزارەتی دارایی و ئابووریی هەرێمی کوردستان کە واژۆی ئاوات جەناب نووری، وەزیری دارایی و ئابووری لەسەرە هاتووە، کرێی وانەگوتنەوەی وانەبێژان لە سەرجەم زانکۆ و پەیمانگەکانی سەر بە وەزارەت و ئەوانەی لە ئێواران وانە دەڵێنەوە یان کاژێری زیادەیان هەیە بەمشێوەیەیەی لێدێت:
- پرۆفیسۆر 7500 دینار
- پرۆفیسۆری یاریدەدەر 6500 دینار
- مامۆستا 5500 دینار
- مامۆستای یاریدەدەر 4500 دینار
- هەڵگرانی بڕوانامەی دبلۆمی باڵا (دوو ساڵە) 4500 دینار
- هەڵگرانی بڕوانامەی دبلۆمی باڵا (یەک ساڵە) 4000 دینار
- هەڵگرانی بڕوانامەی بەکالۆریۆس 3000 دینار
- هەڵگرانی بڕوانامەی دبلۆم (پەیمانگە) 2500 دینار
بەپێی نووسراوەکەی وەزارەتی دارایی ئەم رێنماییانە لە رۆژی دەرچوونییەوە کاری پێدەکرێت و دواتر لە رۆژنامەی وەقائعی کوردستان بڵاودەکرێتەوە.
