ئا : بێستون لەتیف – ئێستانیوز
رێكخراوی تەندروستیی جیهانی رایدەگەیێنێت: گۆڕاوی ئۆمیكرۆن پەتای كۆرۆنای بردووەتە نێو قۆناخێكی نوێوە و دەكرێت ببێتە هۆی كۆتاییهێنانی لە ئەوروپا.
هانس كلووژ بەڕێوبەری رێكخراوی تەندروستیی جیهانی – لقی ئەوروپا رایگەیاند: ئەوە چاوەڕوانكراوە كە ناوچەكە بە جۆرێك لە جۆرەكان بەرەو كۆتایی پەتاكە دەڕوات و لەگەڵ ئەوەشدا چاوەڕوان دەكرێت تاوەكو مانگی ئادار 60٪ـی ئەوروپییەكان تووشی گۆڕاوی ئۆمیكرۆن ببن.
ئەوەشی خستەڕوو: بۆ ماوەی چەند هەفتەیەك یان چەند مانگێك بەرگریی سەرتاسەری دروست دەبێت و بەهۆی ڤاكسینەوە بێت یان بەهۆی پەیداكردنی بەرگریی لەدوای تووشبوون بە پەتاكە بێت و چاوەڕوان دەكرێت پێش ئەوەی كۆرۆنا لە كۆتایی ساڵدا بێتەوە، ماوەیەكی بێدەنگیی لە كۆرۆنا دێتە كایەوە.
