لە بەغدا ئاگر لە ماڵێک کەوتەوە و بەهۆیەوە 6 کەسی خێزانێک گیانیان لەدەستدا کە ژن و منداڵیان لەنێودا هەن.
رووداوەکە درەنگانی شەوی رابردوو 11-3-2022 لە شاری بەغدا روویداوە، ئاگرەکەش لە ماڵێکدا کەوتەوە و بەهۆیەوە 6 کەس گیانیان لەدەستداوە.
ئاگرەکە لە کۆمەڵگەی حەوانیت-ی ناوچەی حورییەی شاری بەغدا کەوتەوە و بەهۆیەوە 2 ژن و 4 منداڵ گیانیان لەدەستداوە کە ئەندامی یەک خێزانن.
بەپێی زانیارییە سەرەکییەکان، ئاگرەکە بەهۆی شۆرتی کارەبا بووە، بەڵام تاوەکو ئێستا هیچ سەرچاوەیەکی بە فەرمی ئەمەی پشتڕاست نەکردووەتەوە.
