بەڕێوەبەرایەتی ئاسایشی سلێمانی رایگەیاند، بەیانی ئەمڕۆ هێزەکانیان لە شاری سلێمانی هەوڵی دەستگیرکردنی تۆمەتبارێکیان داوە کە بەپێی ماددەی (25) لەیاسای ماددە ھۆشبەرەکان فەرمانی دەستگیرکردنی هەبوە، بەڵام تۆمەتبار روبەڕوی هێزەکانیان بوەتەوە و لە ئەنجامدا کارمەندێکی هێزەکانی ئاسایش شەهید بوە.
ئاسایشی سلێمانی:
ئاگاداری ھەموو لایەک دەکەینەوە ، سەرلەبەیانی ئەمڕۆ ڕێکەوتی ٢٠٢٢/٦/١١ ، لەھەوڵێکی ھێزەکانماندا بەمەبەستی دەستگیرکردنی تۆمەتبارێک بەناوی ( ن ، م ، ح ) کە پێشتر فەرمانی دەستگیرکردنی ھەبووە بەتۆمەتی بازگانیکردن بە ماددەی ھۆشبەر ، بەپێی ماددەی (٢٥) لەیاسای ماددە ھۆشبەرەکان ، ھێزەکانمان بەمەبەستی جێبەجێکردنی یاسا و دەستگیرکردنی بەفەرمانی دادوەر ، لەکاتی ھەوڵدان بۆ دەستگیرکردنی لە گەڕەکی شێخ عەباس لە شاری سلێمانی تۆمەتبار ڕووبەڕوی ھێزەکانمان دەبێتەوە، لەئەنجامدا کارمەندێکی ئاسایش شەھید دەکات بەناوی (کۆمیسەر/ تێبین جەمال عەزیز ) ، پاشان تۆمەتبار دەستگیر دەکرێت و ڕووبەڕوی یاسا دەکرێتەوە ، لێرەوە سەرەخۆشی لەخۆمان و کەسوکارو خزموو ھاوڕێیانی شەھید دەکەین ، لەخودای گەورە داواکارین بەبەھەشتی شادبکات و سەبوری بەکەسو کاری بدات ، خزمەتکردنی نیشتمان و بەگژدا چوونەوەی تۆمەتباران و داوکراوانی یاسا و فەراھەمکردنی ئاسایش و ئارامی، ھەمیشە قوربانی وویستوە ، ڕۆڵەکانی ئاسایش ھەردەم بەخوێنی خۆیان ئەم سەروەریەیان نوسیوەتەوە .
