پێگەیەكی ئەمریكی ڕایدەگەیەنێت،”حەلبوسی و حزبەكەی بە تێوەگلان لە جۆرەها گەندەڵی تۆمەتباركراون،گروپە چەكدارەكانی نزیك لە ئێران چەند جارێك هەڕەشەیان لێكردووە”.
پێگەی (ئەلمۆنیتۆر)ی ئەمریكی بڵاویكردووەتەوە،”كاتێك محەمەد حەلبوسی بەسەرۆكی پەرلەمان هەڵبژێردرا, وا تەماشای دەكرا كە نزیكبێت لە ویلایەتە یەكگرتووەكانی ئەمریكا و ئێران”.
ئاماژە بەوەشدراوە،”بەمدواییانە حەلبوسی روبەڕووی كێشەی سیاسی ببوەوە, خۆی و حزبەكەی بە جۆرەها تێوەگلان لە گەندەڵی تۆمەبتاركران, ئەوەش وایكرد نەیارەكانی زیاتر بن لە ئەنبار, ناكۆكییەكانیشی لەگەڵ چوارچێوەی هەماهەنگی دەسەڵاتدار پەرەیسەندبوو”.
ئەوەشخراوەتەڕوو،”حەلبوسی لە بنەڕەتدا هەوڵیدا لەگەڵ پارتی دیموكراتی كوردستان و موقتەدا سەدر كە ركابەری چوارچێوەی هەمانگییە حكومەت پێكبهێنێت, ئەو هەوڵانەی حەلبوسی چوارچێوەی هەماهەنگی توڕە كردبوو”.
لە ڕاپۆرتی ڕۆژنامەكەدا هاتووە،”ناكۆكی نێوان حەلبوسی لەگەڵ گروپە چەكدارەكانیش پرسێكی تازە نییە, دوای ماوەیەكی كورت لە هەڵبژاردنەوەی لەمانگی كانوونی دووەمی (2022) ماڵەكەی بە مووشەك كرایە ئامانج, حەلبوسی چەند جارێك رووبەڕووی هەڕەشە بووەتەوە لەلایەن گروپەكانی هاوپەیمانی ئێران”.
