بەڕێوەبەری گشتی تەندروستی راپەڕین رایگەیاند، ھەرگیز رەوشی تەندروستی ھاووڵاتیانی سنوری ئیدارەی ڕاپەڕین لەوە خراپتر نابێت، حکومەت و وەزارەتی تەندروستیش وەڵامیان نادەنەوە.
“د. دیار ئیبراھیم” بەڕێوەبەری گشتی تەندروستی راپەڕین راگەیاند، رێژەی تووشبوون بە کۆرۆنا دوو ھێندە زیاترە و لە ماوەی یەک رۆژدا ٨ کەس و لە دوو ھەفتەی رابردووشدا ٢٥ کەس بە کۆرۆنا گیانیان لەدەستداوە،
لە نۆ رۆژی رابردووش ٥ ھەزار بوتڵ ئۆکسجین لە نەخۆشخانەی تایبەت بە کۆرۆنا سەرفکراوە. وتیشی، پێشتر دەرمانیان بۆ چوار مانگ کڕیبوو بەڵام لە ماوەی دوو ھەفتەی رابردوو ھەموویان سەرفکردووە و لە ئێستادا چەندین دەرمانی پێویست لە نەخۆشخانەکان نەماوە.
بەڕێوەبەری تەندروستی راپەڕین ئاماژەی بۆ ئەوەشکرد، لەسەر پێداویستی ئۆکسجین و دەرمان بۆ سنوری راپەڕین چەندین جار پەیوەندیان کردووە بە وەزارەتی تەندروستی و سەرۆکایەتی ئەنجومەنی وەزیران بەڵام وەڵامیان نادەنەوە
