لە خولی ئیتاڵیا میلان بە دوو گۆڵ بەرامبەر گۆڵێک یاری لوتکەی لە ڕۆما بردەوە و دەیەم بردنەوەی لەم وەرزەدا بەدەستهێنا.
لە درێژەی یارییەکانی هەفتەی 11ی خولی ئیتاڵیدا، یانەی ڕۆما لەیاریگای ئۆلمپیکۆ میوانداری یانەی ئەی سی میلانی کرد.
میلان ئاستێکی بەرزی پێشکەشکرد و بە دوو گۆڵ بەرامبەر گۆڵێک یاریەکەی لە سوودی خۆی کۆتایی پێهێنا و دەیەم بردنەوەی لەم وەرزەدا نوسیەوە، گۆڵەکانی میلان زلاتان ئیبراهیمۆڤیچ و فرانک کیسێ لە خولەکەکانی 25 و 57 تۆماریانکرد و ستیفان شەعراوی لە خولەکی 93 تاکە گۆڵەکەی ڕۆمای کرد.
بەم ئەنجامە، میلان بە 31 خاڵ لە دووەمی ڕیزبەندی خولەکەدا دەبینرێت بە جیاوازی گۆڵ لەگەڵ ناپۆلی پێشەنگ، ڕۆماش 19 خاڵی هەیە و لە چوارەمی ڕیزبەندیدایە.
