كارگێڕی باخچەی ئاژەڵانی دێنفەر لە ویلایەتی كۆلۆرادۆ رۆژی شەممە توشبوونی دوو كەمتیاری بە ڤایرۆسی كۆرۆنا راگەیاند.
لە راگەیەندراوێكی باخچەی ئاژەڵان لە تۆڕی كۆمەڵایەتی تویتەر هاتووە، ئەمڕۆ دڵنیابووینەوە نغوزی تەمەن 22 ساڵ و كیبۆی تەمەن 23 ساڵ لە باخچەكەمان توشی ڤایرۆسی كۆرۆنا بوونە.
باخچەكە ئاماژەی بەوە كردووە، پا ئەنجامدانی پشكنین پشتڕاست بۆیەوە كە دوو كەمتیارەكە كۆرۆنایان گرتووە و ئەوە یەكەم حاڵەتی توشبوونی كەمتیارە بە ڤایرۆسی كۆرۆنا لە ویلایەتە یەكگرتووەكانی ئەمریكا.
بە گوێرەی قسەی فەرمانبەرەكانی باخچەكە، دوو كەمتیارەكە هیلاكیان پێوە دیار بووە و ئاوی لوتیان هاتووەتە خوارەوە و پژمەی پچڕپچڕیان هەبووە.
