بەڕێوەبەرایەتی بەرەنگاربوونەوەی تاوان لە بەغدا ئاشكرای كرد، سزای زیندانی هەمیشەیی بەسەر تاوانبارێكدا سەپێنراوە، كە دەستدرێژی سێكسی كردووەتە سەر منداڵێكی كچی تەمەن 13 ساڵان.
بەڕێوەبەرایەتی بەرەنگاربوونەوەی تاوان لە بەغدا لە بەیاننامەیەكدا بڵاویكردووەتەوە، سزای زیندانی هەمیشەیی بەسەر تاوانبارێكدا سەپێنراوە.
رونیشكراوەتەوە، ئەو تاوانبارە پێشتر هەستاوە بە دەستدرێژی سێكسی بۆ سەر كچێكی منداڵی تەمەن 13 ساڵان، دوای كارەكەشی لە رێگەی لێدانەوە ئازاری زۆری داوە و دواتر فڕێی داوەتەوە زبڵدانێكەوە، بەڵام ویستی خودا وابووە كە منداڵەكە لە ژیاندا بمێنێت.
روداوەكە بۆ مانگی 5ی ئەمساڵ دەگەڕێتەوە و دوای 10 كاتژمێر لە تاوانەكە، ئەو كەسەی تاوانەكەی ئەنجام دابوو لەلایەن هێزە ئەمنییەكانەوە دەستگیر كرا.
