دەستەی گەشتوگوزاری هەرێم ڕایدەگەیەنێت، تەنها لەماوەی یەك هەفتەدا 146 هەزار گەشتیار سەردانی هەرێمی كوردستانیان كردوە، هاوكات پارێزگای هەولێر لە پلەی یەكەمی سەردانی گەشتیاراندا دێت .
ئەمڕۆ یەكشەمە دەستەی گەشتوگوزاری هەرێم لە ڕاگەیەندراوێكدا بڵاویكردەوە، بۆ بەشداریكردن لە پێشوازی سەری ساڵی 2022 و گەشتكردن بۆ شوێنە گەشتیارییەكانی هەرێم و بەسەربردنی كاتێكی خۆش، لە ماوەی حەوت رۆژدا، 146898 (سەد و چل و شەش هەزار و هەشتسەد و نەوەد و هەشت) گەشتیار هاتوونەتە هەرێمی كوردستان.
ئاماژەبەئەوەشكراوە ، 76550 گەشتیار سەردانی هەولێر، 31614 گەشتیار سەردانی سلێمانی، 38734 گەشتیار سەردانی دهۆكیان كردوە.
لە ڕاگەیەندراوەكەی دەستەی گەشتوگوزاری هەرێم ئەوەش هاتووە” پارێزگای هەولێر لە پلەی یەكەمی سەردانی گەشتیاراندا دێت و بەڕێژەی 48% گەشتیاران سەردانیان كردوە كە ژمارەیان ملیۆنێك و 975 هەزار گەشتیار بون، پارێزگاكانی سلێمانی و هەڵەبجەش لەپلەی دوەمدان بەڕێژەی 34% گەشتیارانی هاتو بۆ هەرێمی كوردستانیان سەردانیان كردون، كە دەكاتە ملیۆنێك و 375 هەزار گەشتیار
