نەوت نرخێكی نوێی تۆمار كرد

ئا : بێستون لەتیف – ئێستانیوز

نرخی نەوتی خاو بەردوامە لە بەرزبوونەوە و یەك بەرمیل خاوی برێنت بە 93 دۆلار و 36 سەنتەوە مامەڵەی پێوە دەكرێت، ئەوەش بەرزترین ئاستە لەماوەی 7 ساڵی رابردوودا تۆماری كردبێت.
نەوتی خاو نرخێكی پێوانەیی نوێی تۆمار كرد و بەپێی راپۆرتە ئابورییەكان، یەك بەرمیل خاوی برێنت بە 93 دۆلار و 36 سەنت لە بازاڕەكاندا دەفرۆشرێت، ئەوەش لەكاتێكدایە چەند كاتژمێرێك پێشتر گەیشتە 93 دۆلار و 79 سەنت.
بەپێی هەمان ئەو راپۆرتانە، هەروەها بەرمیلێك خاوی تەكساسی ئەمریكی بەرامبەر 92 دۆلار و 86 سەنتە، ئەوەش بەهەمان شێوە بەرزترین نرخە لە ساڵی 2014ەوە تۆماری كردبێت، بەرمیلێك خاوی رێكخراوی ئۆپێكیش بەرامبەر 89 دۆلار و 86 سەنتە.
شارەزایانی بواری ئابوریی پێیان وایە، بەرزبوونەوەی نرخی نەوت بەردەوام دەبێت و لەم هەفتەیەكدا یەك بەرمیل دەگاتە 100 دۆلار