لە چامپیۆنز لیگ مانچستەر یونایتد و ئەتلەتیکۆ مەدرید لە یاریەکەی بەهێزدا بە گۆڵێک یەکسانبوون.
لە یاری چوونی قۆناغی 16ی چامپیۆنز لیگ ، یانەی ئەتلەتیکۆ مەدریدی ئیسپانی لە یاریەکی بەهێزدا میوانداری یانەی مانچستەر یونایتدی ئینگلیزی کرد.
تایمی یەکەم بە گۆڵێکی بێبەرامبەر لە سوودی ئەتلەتیکۆ کۆتاییهات، گۆڵەکەش جواو فلێکس لە خولەکی حەوتدا تۆماریکرد.
لە تایمی دووەمدا و لە خولەکی 80 ئەنتۆنی ئیلانگا گۆڵی یەکسانی بۆ مان یونایتد کردەوە و یاریەکەش بو گۆڵێک بۆ هەردوو یانە کۆتاییهات.
یاری گەڕانەوەی نێوان هەردوو یانەش لە 15ی مانگی سێی داهاتوودا لە یاریگای ئۆلدترافۆردی تایبەت بە یانەی مانچستەر یونایتد بەڕێوەدەچێت.
