لە یاریە دۆستانەکاندا هۆڵەندا و ئەڵمانیا لە دانیمارک و ئیسرائیلیان بردەوە و ئیریکسنیش جارێکیتر گۆڵی بۆ دانیمارک کرد.
لە درێژەی یاری دۆستانەی هەڵبژاردەکان، هەڵبژاردەی هۆڵەندا بەرامبەر هەڵبژاردەی دانیمارک یاریکرد.
یاریەکەش بە ئەنجامی چوار گۆڵ بەرامبەر دوو گۆڵ لە سوودی هۆڵەندا کۆتاییهات، بیرگوین دوو گۆڵ و ناسان ئاکی و میمفیس دیپای گۆڵەکانی هۆلەندایان کرد، فیستەر گارد و کریستیان ئیریکسن دوو گۆڵەکەی دانیمارکیان تۆمار کرد، گۆڵەکەی ئیریکسن دوای 287 ڕۆژ بو بۆ هەڵبژاردەکەی دوای ئەوەی لە جامی یۆرۆ بەهۆی جەڵتەی دڵەوە لە یاریگاکان دوورکەوتەوە.
لە یاریەکی تریشدا، هەڵبژاردەی ئەڵمانیا رووبەڕوی هەڵبژاردەی ئیسرائیل بوەوە و بە دوو گۆڵی کای هاڤێرتز و تیمۆ ڤێرنەر بردنەوەی بەسەردا بەدەستهێنا.
