نرخی نەوت لە دەستپێکی ئەم هەفتەیەدا لە بەرزیدا بوو
نرخی نەوت لە ئەمڕۆدا دابەزینی بەرچاوی بەخۆیەوە بینی بەو پێیەی بەرمیلێك نەوتی برێنت بە (111) دۆلار لە بازاڕەكانی جیهاندا مامەڵەی پێوەدەكرێت.
ئەمڕۆ سێشەممە 29\3\2022 ، بەرمیلێك نەوتی برێنت بە (111) دۆلار لە بازاڕەكانی جیهاندا مامەڵەی پێوەدەكرێت، هەروەک نرخی بەرمیلێك نەوتی خاویش بە (104) دۆلار لە مامەڵەدایە.
ئەمە لە کاتێکدا، نرخی نەوت لە دەستپێکی ئەم هەفتەیەدا لە بەرزیدا بوو، بەڵام لە ناوەڕاستی هەفتەوە بەردەوام دابەزینی بەرچاو بەخۆیەوە دەبینێت.
لە ئەمساڵدا نرخی نەوت بەرزبوونەوەیەکی تێبینیکراوی بەخۆوە بینی لە زیاتر لە 50 وڵاتدا لە سەرتاسەری جیهاندا، بەوەش بەرزترین ئاستی خۆی تۆمار کرد لە پاش ساڵی 2008، کە تیایدا نرخی بەرمیلێک نەوتی برێنت گەیشتە 139 دۆلار و نرخی بەرمیلێک نەوتی خاویش بە 130 دۆلار مامەڵەی پێوەدەکرا.
هەروەک لە ئێستادا بەهۆی سزاکانی ئەمریکا بۆسەر روسیا لە دەرەنجامی هێرشە جەنگییەکەی بۆسەر ئۆکراین، نرخی نەوت بەردەوام لە ناجێگیریدایە و هەڵکشان و داکشانی بەرچاو بەخۆیەوە دەبینێت
