بەرپرسێك لە نووسینگەی سەرۆك وەزیرانی ئیسرائیل رایگەیاند: وڵاتەكەی خۆشحاڵە بەوەی جۆبایدن،سەرۆكی ئەمریكا كە بڕیاریداوە سوپای پاسدارانی ئێران لە لیستی تیرۆر بمێنێتەوە.
بەرپرسەكە كە ناوی خۆی ئاشكرا نەكردووەو بە رۆژنامەی تایمز ئۆف ئیسرائیلی راگەیاندووە: ئیسرائیل خۆشحاڵە كە بڕیارەكەی ئیدارەی بایدن ببێتە هۆی تێكدانی بۆندی گەڕانەوە بۆ رێككەوتنی ناوەكی لەگەڵ ئێران.
هاوكات دەیڤد ئەگنتاتیۆس،نووسەر لە رۆژنامەی واشنتن پۆست دەڵێت: بەرپرسێكی باڵای ئیدارەی بایدن پێی راگەیاندووە كە ئەمریكا رازی نییە سوپای پاسداران لە لیستی تیرۆر دەربهێندرێت.
