02/04/2023
ئیراقێ ئهڤرۆ ئێكشهمبیێ راگههاند كو ئهو دێ بهرههمئینانا پهترۆلێ كێم كهت.
وهزارهتا پهترۆلێ یا ئیراقێ راگههاند؛ د رژدین ل سهر كێمكرنا بهرههمئینانا پهترۆلێ ب راددهیێ 211 هزار بهرمیلان رۆژانه.
ئاشكرا ژى كر كو ئهڤ رێكاره تا كو دویماهیا ئهڤ ساله 2023 دێ بهردهوام بیت.
ئهڤ بڕیارا بهغدا ب ههماههنگى ل گهل رێكخراوا ئۆپێك ب ئارمانجا سهقامگیریا بازارێن وزهیێ هاتیه دان.
ههر ئێك ژ ئیمارات، سعوودیه و كوێتێ ژى ژ بهرى ئیراقێ ههمان بڕیار دابوون.
ئیراقێ د ههیڤا ئادارا بۆرى دا رۆژانه وهك تێكرا 3 ملیۆن و 255 هزار بهرمیلێن پهترۆلێ بهرههمئیناینه.
ئیراقێ د ههیڤا ئادارێ دا سهرجهمێ 100 ملیۆن و 913 هزار و 27 بهرمیلێن پهترۆلێ فرۆشتینه و داهاتێ وان 7.404 ملیار دۆلار بوون، ل گۆرهى ئامارێن سومۆ.
تێكرایێ بهایێ بهرمیلهكێ پهترۆلا ئیراقى یا فرۆشتى د ههیڤا ئادارێ دا 73.37 دۆلار بوون.
