بە گوێرەی نوێترین لێكۆڵینەوە، كەمكردنەوە یان سنوورداركردنی وەرگرتنی كالۆری یان وزەی ڕۆژانە Calorie restriction لە خۆراكەوە، باشترین ڕێگەیە بۆ دابەزاندنی كێشی لەش. بۆنموونە ڕیجیمی 1،200 كالۆری ڕۆژانە هەنگاوێكی باشە بۆ دابەزاندنی چەوریی زیاد بە شێوەیەكی خێرا، بە مەرجێك بۆ ماوەیەكی یەكجار زۆر بەردەوام نەبێت، لەوكاتەی كە پێویستیی ڕۆژانەی كالۆری بۆ پیاو بریتییە لە 2،500 كالۆری و بۆ ئافرەتیش 2،000 كالۆری. ئاماژە بەمەش كراوە كە پلانی كەمكردنەوەی كالۆری كاریگەرتر و سوودبەخشترە بە بەراورد لەگەڵ هیچ نەخواردن تا كاتێكی دیاریكراو Intermittent fasting كە وەكو ڕێگەیەكی دیكەی دابەزاندنی كێشی لەش پەیڕەو دەكرێت، ئەگەرچی هیچ نەخواردن تا كاتێكی دیاریكراو پلانێكی باوە بۆ دابەزاندنی كێشی لەش، بەڵام زانا و پسپۆران خەریكی توێژینەوەی زیاترن سەبارەت بە كاریگەریی كاتەكانی خواردن لەسەر كێشی لەش، لەوكاتەی كە چەند توێژینەوەیەك گەیشتوونەتە ئەو ئەنجامەی كە قەبارەی ژەمەكانی خۆراك زیاتر لە هیچ نەخواردن تا كاتێكی دیاریكراو كاریگەریی لەسەر كێشی لەش هەیە.
