ئیدارەى وزەى ئەمەریکا ئاشکرایدەکات کە هەناردەى نەوتى عێراق بۆ ئەمەریکا لەماوەى هەفتەى رابردودا زیادیکردوە و پێش وڵاتى سعودییە کەوتوە.
بەپێى ئەو خشتەیەى ئیدارەى وزەى ئەمەریکا بڵاویکردوەتەوە؛ تێکڕاى هەناردەى نەوتى ئەمەریکا هەفتەى رابردو لە نۆ وڵاتى سەرەکییەوە گەیشتوەتە پێنج ملیۆن و 369 هەزار بەرمیل لە رۆژێکدا، بەمەش 46 هەزار بەرمیل هەناردەى نەوتى ئەمەریکا بەرارود بە هەفتەى پێش خۆى کەم بوەتەوە کە لە هەفتەى رابردودا هاوردەى نەوتى ئەمەریکا پێنج ملیۆن و 415 بەرمیل نەوتى رۆژانە بوە.
ئاماژە بۆ ئەوەکراوە کە هەناردەى نەوتى عێراق بۆ ئەمەریکا گەیشتوەتە 283 هەزار بەرمیل نەوتى رۆژانە و رێژەکەى بەراورد بە هەفتەى پێشتر 96 هەزار بەرمیل نەوتى رۆژانە زیادى کردوە و هەفتەى پێشتر هەناردەى نەوتى عێراق بۆ ئەمەریکا 187 هەزار بەرمیل نەوتى رۆژانە بوە.
ئەوەش خراوەتەڕو کە زۆرترین هاوردەى نەوت لەلایەن ئەمەریکاوە لە کەنەداوە بوە و دواتریش مەکسیک و کۆڵۆمبیا و عێراق و دواتریش سعودیە.
