ماوەی مانگێكە مامۆستایانی وانەبێژ خۆپیشاندانیان دەست پێكردووە سەبارەت بە دەستەبەركردنی مافەكانیان، لە دامەزراندن یان گرێبەستیان لەگەڵ بكرێ.
لەم بارەیەوە بەختیار مستەفا ئەندامی ئەنجومەنی گشتی حزبی زەحمەتكێشانی كوردستان بە ئێستانیوزی راگەیاند: ئێمە لە حزبی زەحمەتكێشانی كوردستان پشتگیری داوای رەوای چین و توێژە زەحمەتكێش و بەشمەینەتەكانی كوردستان دەكەین و داوا لە حكومەتی هەرێمی كوردستان دەكەین چارەسەری گونجاو بدۆزێتەوە بەپێی دۆخی دارایی و داهاتەكانی بەردەستی بۆ ئەوەی ژیان و گوزەرانی مامۆستایانی وانەبێژ لەمە زیاتر خراپ نەبێت.
