سیڤیلیە یاری لوتکەی لە ئەتلەتیکۆ مەدرید بردەوە

لە خولی ئیسپانیا سیڤیلیە لە یاری لوتکەدا بە دوو گۆڵ بەرامبەر گۆڵێک لە ئەتلەتیکۆی بردەوە.
لە یارییەکانی هەفتەی 18ی خولی ئیسپانیا، یانەی سیڤیلیە لە یاریگای خۆی بەرامبەر یانەی ئەتلەتیکۆ مەدرید یاریکرد.
لە خولەکی 7 ئیڤان راکیتیچ گۆڵی یەکەمی سیڤیلیەی تۆمار کرد، لە خولەکی 33 فیلیپ ئەگۆستۆ گۆڵی یەکسانی بۆ ئەتلەتیکۆ کردەوە بەڵام لە خولەکی 88 لۆکاس ئۆکامپۆس گۆڵی دووەمی بۆ سیڤیلیە تۆمارکرد و یاریەکەی بە دوو گۆڵ بەرامبەر گۆڵێک لە سوودی یانەکەی کۆتاییپێهێنا.
بەم ئەنجامە، سیڤیلیە خاڵەکانی گەیاندە 37 و لە پلەی دووەمی ڕیزبەندیدایە، ئەتلەتیکۆ مەدرید بە 29 خاڵ لە پلەی پێنجەم دەبینرێت.