لە جامی ئەفریقا سەنیگال بە سێ گۆڵ بەرامبەر گۆڵێک لە بۆرکینا فاسۆی بردەوە و گەیشتە یاری کۆتایی.
لە یەکەم یاری قۆناغی پێش کۆتایی جامی ئەفریقا، هەڵبژاردەی سەنیگال رووبەڕووی هەڵبژاردەی بۆرکینا فاسۆ بوەوە.
یاریەکەش بە سێ گۆڵ بەرامبەر گۆڵێک لە سوودی سەنیگال کۆتاییهات و سەرجەم گۆڵەکانیش لە تایمی دووەمدا تۆمار کران.
دیالۆ و ئەحمەدۆ دێنگ و سادیۆ مانێ لە خولەکەکانی 70 و 76 و 87 گۆڵەکانی سەنیگالیان کرد، ئیبراهیم بلاتی تاکە گۆڵەکەی بۆرکینا فاسۆی لە خولەکی 82 تۆمارکرد.
بەو ئەنجامە، سەنیگال سەرکەوتنی بۆ یاری کۆتایی جامەکە بەدەستهێنا و چاوەڕێی براوەی یاری میسر و کامیرۆن دەکات، بۆرکینا فاسۆش لە یاری دیاریکردنی پلەی سێیەمدا رووبەڕووی دۆڕاوەی هەمان یاری دەبێتەوە.
