ماوەی چەند رۆژێكە خۆبەخشانی كەرتی تەندروستی لە هەرێمی كوردستان بۆ دەستەبەركردنی مافەكانیان، گردبونەوەو خۆپیشاندانیان ئەنجام دا. لەم بارەیەوە (هەندرێن شێخ ڕاغب) بەرپرسی مەكتەبی جەماوەریەكانی حزبی زەحمەتكێشانی كوردستان بە ئێستانیوزی راگەیاند: ئێمە ئاگادارین ساڵانێكی زۆرە خۆبەخشانی كەرتی تەندروستی لە هەرێمی كوردستان خزمەتی باش و بەرچاویان كردوە.
بۆیە حەقی خۆیانە داواكاریەكانیان جێبەجێ بكرێت و وەڵامی خواستەكانیان بدرێتەوە. ئێمە لە حزبی زەحمەتكێشانی كوردستان و مەكتەبی جەماوەرییەكان پشتیوانی تەواوی مافە پیشەیی و مەدەنی و شارستانیەكانی خۆبەخشانی كەرتی تەندروستین و خواستمان ئەوەیە وەزارەتی تەندروستی و سەندیكای پزیشكان و لیژنەی تەندروستی پەرلەمانی كوردستان بێنە سەرخەت و داواكارییەكانی خۆبەخشانی كەرتی تەندروستی جێبەجێ بكەن.
ئێستانیوز : بێستون لەتیف
