حزبی زەحمەتکێشانی کوردستان : کۆچی دوایی گەورە ئەدیب و نووسەری کورد عەزیز گەردی هەموومانی تازیەبارکرد

هەواڵی کۆچی دوایی عەزیز گەردی گەورە ئەدیب و نووسەری ناوداری کورد خەسارەتێکی گەورە بوو لە کاروانی ئەدەبی کوردی کەوت.

مامۆستا عەزیز گەردی، یەکێک لە خاوەن قەلەمە بەناوبانگانەی میللەتەکەمان بوو کە لە رێگەی نووسین و وەرگێڕان خزمەتێکی بەرچاوی بە ئەدەبی کوردی و کتێبخانەی کوردی کردووە، ئەو لە ڕێگای وەرگێڕانەوە توانی خوێنەری کوردی لەگەڵ ئەدەبی بێگانە ئاشنا باکات، لەوبارەیەوە خاوەنی دەیان شاکاری گەورەیە، بە کۆچی دوایی ئەو نووسەرە ناودارە،  ئەدب و نووسینی کوردی کەلێنیکی گەورەی تێدەکەوێت کە بە ئاسانی قەرەبوو ناکرێتەوە.

بەو بۆنە خەمناکە ئێمە لە مەکتەبی سیاسی حزبی زەحمەتکێشانی کوردستان پرسە و سەرخۆشی لە خۆمان و کەسوکاری و تەواوی ئەدیب و نووسەرانی کوردستان دەکەین. 

لە یەزدانی مەزن داخوازین کە روحی بەرزەفڕی مامۆستا عەزیز گەردی بە بەهەشتی بەرین شادبێت.

                                                                                                            مەکتەبی سیاسی

                                                                                                  حزبی زەحمەتکێشانی کوردستان

                                                                                                           ٦/٦/٢٠٢٢

پەیوەندیدار