نرخی نەوتی خاو لە بازاڕەکانی جیهاندا گۆڕانکاری بەرچاوی بەسەردا هات و زیاتر بەرزبوەوە.
نرخی نەوتی خاوی برنت لە ئێستادا بە (120) دۆلار و دو سەنت مامەڵەی پێوەدەکرێت و بە بەراورد بە دوێنی زیاتر لە دۆلارێك بەرزبوەتەوە.
هاوکات، نرخی نەوتی خاوی تەکساسیش بە (119) دۆلار و دو سەنتە.
ئەوەش لەکاتێکدایە، حکومەتی چین رێکارەکانی روبەروبونەوەی کۆرۆنای کەمکردوەتەوە بەو پێیەش نەوتی زیاتری پێویستە.
بەهۆی هەڵگیرسانی شەڕی ئۆکرانیا و روسیا، قەیرانی کەمی نەوتی خاو لە جیهاندا سەریهەڵدا و نرخی نەوت بەشێوەیەکی بەرچاو بەرزبوەوە و هەر بەرمیلێك (130) دۆلاری تێپەڕاند.
