رێژەی نەخوێندەواری لە عێراق دابەزیوە

وەزارەتی پلاندانانی عێراق، دابەزینی رێژەی نەخوێندەواری بۆ ١٢%ی راگەیاند و دەڵێت، رێکارەکانی وەزارەتی پەروەردە ھۆکاربوون بۆ کەمبوونەوەی رێژەکە.

عەبدولزەھرە ھنداوی، وتەبێژی وەزارەتی پلاندانانی عێراق رایگەیاند، رێژەی نەخوێندەواری لە نێوان ئەو کەسانەی تەمەنیان لەسەروو ١٥ ساڵەوەیە، گەیشتووەتە نزیکەی ١٢%، ئەو رێژەیە لە نێو ژناندا نزیکەی ١٨%یە و لە پیاواندا ٩%یە. لە گوندەکانیشدا بۆ نزیکەی ٢٠% بەرزدەبێتەوە و لە شارەکاندا ١١%یە.

ھنداوی ئاماژەی بەوەکردووە، رێژەکە بەراورد بە دە ساڵی رابردوو دابەزیوە، ھۆکارەکەی بۆ بەرزبوونەوەی ئەو کەسانە دەگەڕێتەوە کە دەچنە خوێندنگەکان کە رێژەیان ٩٤%یە، رێکارەکانی وەزارەتی پەروەردەش لە روبەڕوبوونەوەی نەخوێندەواری رۆڵی زۆری ھەبووە.

س: کوردسات

پەیوەندیدار