وه‌زاره‌تا ژێده‌رێن ئاڤا ئیراقێ راگه‌هاند، نێزیكى 100 سالانه ئیراقێ بێئاڤیا وه‌كى ئه‌ڤ ساله ب خۆڤه نه دیتى یه.
عەلی ڕازی سامر په‌یڤدارێ وه‌زاره‌تا ژیده‌رێن ئاڤى یا ئیراقێ د داخۆیانیه‌كێ دا راگه‌هاند، ره‌وشا ئاڤا ئیراقێ ب تایبه‌تى ئاڤا عومبار كرى ره‌وشه‌كا گه‌له‌ك خرابه و ئاستێ داگرتنا ئاڤێ گه‌له‌ك ل كێمیێ دایه.
رازى دا زانین ژى، ئه‌گه‌رێن كێمبوونا ئاڤا عومباركرى یا ئیراقێ بۆ هشكه‌سالیێ و نه‌هاتنا ئاڤا پێدڤى ژ وه‌لاتێن جیران ڤه‌گه‌ڕاند، ژ بلى بلندبوونا پله‌یێن گه‌رمێ و گوهۆڕێنێن سه‌قاى.
ئاماژه ب وێ ئێكێ ژى دا ئه‌ڤساله بۆ عومباركرنا ئاڤێ دێ گه‌له‌ك سه‌خت بیت و دشیاندایه بهێته گۆتن، ژ سالێن سیهان یێن سه‌دسالا بۆرى تا نها ئیراقێ كێمئاڤیا وه‌كى ئه‌ڤساله ب خۆڤه نه‌دیتى یه
