شاندی هاوبەشی باشوری کوردستان کە بەشداری نەورۆزئ ئامەدیان کردبوو لە شاری ئامەدی باکوری کوردستان چەندین دیداریان ئەنجامدا.
رۆژی ٢٢/٣/٢٠٢٣، شاندی هاوبەشی باشوری کوردستان کە پێکهاتبوو لە حزبی زەحمەتکێشانی کوردستان، حزبی شیوعی کوردستان، یەکێتی نەتەوەیی دیموکراتی کوردستان، بزوتنەوەی رزگاری دیموکراتی کوردستان لە شاری ئامەد سەردانی ناونندی ئامەدی پارتی دیموکراتی گەلان هەدەپ HDP و پارتی هەرێمی دیموکراتی DBP، پارتی چەپ کرد، شاندەکە لە لایەن هاوسەرۆکانی ئەو پارتانەوە و پەرلەمانتاران پێشوازی لێکران.
بارودۆخی کوردستان و گرنگی یەکڕیزی لایەنەکان بۆ سەرخستنی لیستی هەدەپ HDPلە هەڵبژاردنەکانی تورکیا قسەو باسیان لە بارەیەوە کرا.
شایانی باسە لەسەر بانگهێشتی هاوسەرۆکانی HDPژمارەیەک لایەنی سیاسی بەشداریان لە رێوڕەسمی نەورۆزی ئامەد کردبوو.
