لە یاری کۆتایی خولی یانە پاڵەوان یاریگای وێمبڵی لە شاری لەندەن ریاڵ مەدریدی ئیسپانی و بڕوسیا دۆرتمۆندی ئەڵمانی کۆکردەوە.
تایمی یەکەم، دوور لە چاوەڕوانییەکان ریاڵ مەدرید هێرش و فشارێکی زۆری لە لایەن یانە ئەڵمانیەکەوە لەسەربوو، بەڵام سەرجەم هەوڵەکان بێ ئاکامبوون.
لە تایمی دووەمدا، سیناریۆکە پێچەوانە بووەوە، ریاڵ مەدرید ئەم جارە دەستی کرد بە هرشبردن و لە ئاکامی لێدانێکی گۆشەوە دانی کارڤاخال گۆڵی یەکەمی بە لێدانی سەر لە خولەکی 74 تۆمارکرد.
یانەی شاهانە بەردەوامبوو لەسەر ئاستە بەرزەکەی و لە خولەکی 83 ئەم جارە بێلینگهام تۆپێکی ئاسانی خستە بەردەم ڤینیسیۆس و ئەویش گۆڵی دووەمی پێ تۆمارکرد.
هەرچەندە دۆرتمۆندیش چەند جارێک هەوڵی کەمکردنەوەی ئەنجامەکەی دەدا، بەڵام سەرکەوتوو نەبوون و یارییەکە بە دوو گۆڵی خاوێن لە سودی مێرەنگێ کۆتایی هات.
بەم ئەنجامە یانەی ریاڵ مەدرید بووە پاڵەوانی ئەم وەرزەی خولی یانە پاڵەوانەکانی ئەوروپا و ژمارەی نازناوەکانی چامپیۆنز لیگی لە خەزێنەی یانەکەیدا کردە 15 نازناو.
