ئەو خۆراكانە چین دەبنە هۆی بەرزبونی باڵا

کۆمەڵێک خواردن کاریگەری لەسەر گەشەی منداڵ جێدەهێڵن، پسپۆڕانیش ئەو خۆراكانەی یارمەتی بەرزبوونی باڵای منداڵ دەدەن ئاشکرا دەکەن.

بۆ ئەوەی متمانەی زیاترمان بە خۆمان هەبێت و بەهێزتر دەربكەوین بونی باڵایەکی بەرز خەونی هەمومانە، زۆر هۆكار هەن كە كاریگەرییان هەیە لەسەر بەرزبوونی باڵای منداڵ وەك بۆماوەیی و جینات و وەرزشكردن و جۆری خۆراك، ئەگەر بتەوێت منداڵەكەت بەرزتر بێت لە تەمەنی خۆی باشتر وایە ئەم خۆراكانەی پێ بدرێت:

یەكەم/ شیرەمەنییەكان، پەنیر، ماست و جۆرەكانی تری شیرەمەنی، تەنیا چەند نموونەیەكی خۆراكە شیرەمەنییەكان یارمەتی بەرزبوونی باڵای منداڵ دەدەن بەتایبەتی ئەو بەرهەمانەی كە ڤیتامین (ئەی و بی و دی و ئی) تێدایە و كە پێویستن بۆ گەشەكردنی ئێسك. ئەگەر بڕی پێویست كالیسیۆن لە لەشدا هەبێت ئەوە خێراتر گەشەدەسێنیت و بەرز دەبێت.

دووەم/ مریشك، خۆراكێكی ترە كە یارمەتی بەرزبوونی باڵا دەدات هەر لە سەرەتایی تەمەنەوە تا (25) ساڵی، چونكە خۆراكێكی دیاریكراوە و بڕێكی باش پرۆتینی تێدایە كە یارمەتی گەشەسەندی ئێسك دەدات و سیستمی ماسولكەكان بەهێز دەكات، ئەگەر بتەوێت كاریگەرییەكی باشی هەبێت لەسەر لەش، ئەوە پێویستە رۆژانە (50) گرام مریشك بەكار بهێنیت و بە چەندان شێواز ئامادەی بكەیت.

سێیەم/ هێلكە، سەرچاوەیەكی تری پرۆتینە كە پێویستە لە ژەمەكاندا هەبێت، سپێنەی هێلكە بە رێژەی (100%) پرۆتینی تێدایە، ئەمەش یارمەتی بەرزبوونی باڵای منداڵ دەدات، بڕێكی باش چەوری و ڤیتامین بی تێدایە كە وادەكەن لەش بە دروستی بمێنێتەوە، بۆیە خواردنی سێ بۆ شەش هێلكە لە رۆژێكدا وادەكات باڵات بەرزتر بێت.

چوارەم/ مۆز، زۆر كەس وابیردەكەنەوە مۆز دەبێتە هۆكارێك بۆ زیادبوونی كێش، بەڵام راستییەكەی وانییە ئەم میوەیە زۆر سوودی تەندروستی هەیە بۆ لەش بڕێكی باش مەنگەنیز و كالیسیۆم و پۆتاسیۆمی تێدایە كە تەندروستی ئێسك باشتردەكەن و یارمەتی بەهێزبوونی دەدەن.

پێنجەم/ ماسی، پێویستە خواردنی ماسی لە یاد نەكرێت و لەژەمەكاندا بخورێت، چونكە خۆراكێكی باشە بۆ بەرزبونی باڵای منداڵ، زیاتر ماسی سەلەمون و سەردین و تونە بڕێكی باش ڤیتامین دی تێدایە، ئەوەش یارمەتی مژینی پێكهاتەی خۆراكی دەدات وەكو كالیسیۆم، بەمەش وادەكات باڵات بەرزتر بێت، ئەو پرۆتینەی كەلە ماسیدا هەیە یارمەتی بەهێزكردنی ئێسك و ماسولكەكان دەدات و ئەمەش وادەكات باڵات بەرزتر بێت.

زیادكردنی ئەم خۆراكانە لە ژەمەكانی رۆژانەدا بێگومان دەبێتە هۆی بەهێزكردنی ئێسك و ماسولكەكانی لەش تەندروستی لەش بە گشتی باشتر دەكات

پەیوەندیدار