جه‌یك سه‌لیڤه‌ن، ڕاوێژكاریی ئاسایشی نه‌ته‌وه‌یی ویلایه‌ته یه‌كگرتوه‌كانی ئه‌مریكا رایگه‌یاند، پشتیوانی له‌خۆپیشاندانه‌كانی ئێران ده‌كه‌ین، نه‌ك ته‌نها به‌قسه‌كردن به‌ڵكو به‌شێوه‌یه‌كی كرداری پاڵپشتیان ده‌بین و له‌و چوارچێوه‌یه‌شدا ژماره‌یه‌ك سزامان به‌سه‌ر ئێراندا سه‌پاندوه.
جه‌یك سه‌لیڤه‌ن له لێدوانێكی رۆژنامه‌وانیدا بڵاویكرده‌وه، “به‌رده‌وام ده‌بین له سه‌ركۆنه‌كردنی دڕه‌ندیی و سه‌ركوتكردنی هاوڵاتیانی ئازای ئێران، ژنانی ئازای ئێران، كه ته‌نها له پێناوی ماف و شكۆی خۆیاندا و له پێناوی به‌ده‌ستهێنانی دادپه‌روه‌ریدا خۆپیشاندان ده‌كه‌ن”.
ئاماژه‌ی به‌وه‌شكردوه، “به‌رده‌وام شانبه‌شانیان ڕاده‌وه‌ستین، نه‌ك ته‌نها به قسه، به‌ڵكو به كردار، ژماره‌یه‌ك سزامان سه‌پاندوه به‌سه‌ر هه‌ندێك لایه‌ندا به‌رامبه‌ر ئه‌وه‌ی ئه‌نجامیانداوه له كوشتن و كرده‌وه‌ی دڕندانه”.
ئه‌وه‌شی خستوه‌ته‌ڕو، “به‌ڵێ، به‌رده‌وام ده‌بین له گه‌ڕان بۆ لایه‌نی ویستراوی دیكه تا سزا به‌سه‌ر به‌رپرسانی ئێران به‌سه‌ردا بسه‌پێنین به‌رامبه‌ر ئه‌م پێشلكاریه‌ی مافه‌كانی مرۆڤ”.
