ئەمرۆ ١٤ ی نۆڤیمبەری٢٠٢٢، سوپای کۆماری ئیسلامی ئێران لەڕیگەی درۆنی بۆمب ڕێژكراو و هۆكاری دیكەی سەربازی ، بە پاساوی لێدانی حزبەکانی رۆژهەلاتی کوردستان ، بۆردومانی ناوچەکانی کۆیە و زڕگویزی کرد،بەداخەوە زیانی گیانی و مادی لێکەوتەوە.
ئێمە لەکاتێکدا سەرکۆنەی ئەم پێشیلکارییانە بۆسەر هەریمی کوردستان و عێراق دەکەین، داواکارین کە حکومەتی عیراق لەرێی نەتەوە یەکگرتووەکانەوە هەوڵی رِاگرتنی ئەم پێشیلکاریانە بدات و بەهیچ شێوەیەک دووبارە نەبێتەوە.
شایانی باسە دەستدریژییە بەردەوامەکانی ئێران و تورکیا بۆسەر خاکی عیراق و هەرێمی كوردستان دڵەڕاوكێ و ناڕەزایەتی جەماوەری لێكەوتۆتەوە لەكاتێكدا ناوچەكە پێویستی بەئاشتی و دراوسێتی باش هەیە و بەرژەوەندی باڵای گەلانی ناوچەكە پێویستی بەپێكەوەژیانی ئاشتیانە هەیەو لەبری بۆردونانكردن ،لەسەر حكومەتەكان. پێویستە باشترین خزمەتگوزاری پێشكەش بەهاوڵاتیانیان بكەن
رۆحی شەهیدان شاد بێ و هیوای چاكبوونەوەی خێرا بۆ بریندارەكان دەخوازین
هەروەها بەناوی حزبەكانی ناو لیژنەی كاری هاوبەشی چەپی كوردستان داوا دەكەین كە كۆمەڵگەی نێودەوڵەتی هاوكاری پاراستنی هاوڵاتیانی كوردستان بن و ئاسمانی كوردستان بە بڕیارێكی نێودەوڵەتی بپارێزن.
بزووتنەوەی دیموكراتی گەلی كوردستان
حزبی زەحمەتێكێشانی كوردستان
حزبی شیوعی كوردستان
١٤ ی نۆڤیمبەری٢٠٢٢
A:Bestun
